20% AMEFUNGUKA VIBAYA KUHUSU YEYE NA SANAA YAKE!! FILAMU YAKE MPYA "LAZIMA ANITAMBUE" TAYARI IMEKAMILIKA. KWELI JAMAA BADO YUKO JUU NA HAJAFULIA HATA KIDOGO

Msanii mkongwe ajulikanaye kwa jina la 20% jana kupitia kipindi cha MEGA MIX kinachoendeshwa na KO (K to the aright) katika Abood Fm radio iliyoko mjini Morogoro amesema mengi sana na ya msingi kuhusiana na mziki wake. Haya ni baadhi ya maswali aliyoyajibu kutoka kwa baadhi ya mashabiki wake kwa njia ya simu japo mashabiki wengi walikuwa wakimpongeza tu kwa kumpa big up na kuomba aje maeneo yao kuwapa burudani.

Swali: Vp tofauti zako na Man Walter ambaye alikuwa Meneja na producer wako
Jibu kutoka kwa 20%:  Naomba ifahamike kwamba Man Water hakuwa meneja wangu bali ni mfanyakazi mwenzangu. Ninaomba watu wasiendelee kufikiri juu ya tofauti zetu kwa kuwa tulishazimaliza na muda sio mrefu watapata kusikia ngoma nyingi kutoka kwangu zilizofanywa na Man Water

Swali: Kwani nini uko Kimya?

Jibu kutoka kwa 20%: kukaa kimya pia ni mziki, kwa kuwa nimetoa tracks nyingi sana kama money money. binti kimanzi, maisha ya bongo, mama neema n.k, sasa ni muda wa mashabiki zangu kusikiliza na kutafakari ujumbe tofauti uliopo katika ngoma hizo na kuandaa hamu ya kupata ngoma zingine mpya kutoka kwangu. Ndo maana baada ya muda sasa nimetoa ngoma mpya inayoitwa SUBIRA iliyofanyika PAMOJA RECORDS katika mikono ya producer anayekuja juu sana "NAS BIZNESS MAUJANJA, salute nyingi sana kwake kwa kuipika ngoma hii vizuri.

Swali: Vp kuhusu filamu? Tulifurahia sana filamu yako ya mwanzo na tunatamani kuona nyingine. Umeachana na mambo hayo?

Jibu kutoka kwa 20%: Filamu mpya tayari nimeshaimaliza, Jina la filamu hiyo ni "“LAZIMA ANITAMBUE ”

Swali: Tutegemee nini baada ya SUBIRA?
Jibu kutoka kwa 20%: Kichupa kinafuata soon!!!!  kaeni mkao wa kula tu, niko kwa ajili ya kuhakikisha mashabiki zangu mnapata raha. Baada ya hapo kuna wimbo mpya mwingine nitauachia unaitwa "AKABEBABEBA"

Swali: Vp swali la kupiga show? Mbona kama hatukuoni unapiga show sehemu mbalimbali?
Jibu kutoka kwa 20%: Show napiga na ratiba yangu ya show iko taiti le mbaya sema mimi sio mtu wa kujitangaza kila ninachokifanya. Na kwa kuthibitisha tu hilo jumamosi na jumapili ya wiki hii nina show mbili sehemu tofauti hapa morogoro ambapo jumamosi atakuwa DAKAWA na jumapili atakuwa MIKUMI

MNAODAI 20% KAFULIA HAMKO SAHIHI!!!!!!!!

HONGERA SANA ASILIMIA ISHIRINI!!!!!!!!!!!!!!!!!!!!!